Sampol nga mga Presentasyon

Sa pagsugod ug pagtuon sa Bibliya sa unang Sabado sa Agosto

“Halos ang tanan moampo. Bisag ang mga ateyista moampo kon dunay problema. Sa imong hunahuna, dunggon ba sa Diyos ang tanang pag-ampo?” Paghulat ug tubag. Ipakita ang hapin sa likod sa Agosto 1 nga Bantayanang Torre, ug hisgoti ang unang pangutana ug ang usa sa gisitar nga mga teksto. Itanyag ang mga magasin ug ingnang mobalik ka aron hisgotan ang sunod nga pangutana.

Pahinumdom: Kini nga demonstrasyon ipasundayag sa tigom alang sa pagsangyaw sa Agosto 3.

Ang Bantayanang Torre Agosto 1

“Miduaw mi aron hisgotan ang problema sa pagkakaylap sa pornograpiya. Apan alang sa daghan, ang pornograpiya dili ra makadaot. Unsay imong ikasulti bahin niini? [Patubaga.] Matod ni Jesus, mailhan nato nga ang usa ka kahoy maayo pinaagi sa mga bunga niini. [Basaha ang Mateo 7:17.] Gihisgotan niining magasina ang daotang resulta sa pornograpiya. Naghatag usab nig praktikal nga mga tambag kon sa unsang paagi makalingkawas sa pornograpiya.”

Pagmata! Agosto

“Kasagaran kanato gustong mabuhig dugay. Sa imong hunahuna, may adlaw ra kaha nga mabuhi ta sa way kataposan tungod sa pag-uswag sa siyensiya? [Patubaga.] Matikdi kining makaiikag nga saad sa Bibliya. [Basaha ang 1 Corinto 15:26.] Apan sa unsang paagi himoon ni sa Diyos—pinaagi ba kaha sa siyensiya? Ug nganong matigulang man ta ron ug mamatay? Gipakita niining magasina kon unsay tubag sa Bibliya niining mga pangutanaha.”