Sampol nga Presentasyon

Sa Pagsugod ug Pagtuon sa Bibliya sa Unang Sabado sa Agosto

“Ang mga tawo lainlaig relihiyon ug nagsimba sa Diyos sa lainlaing paagi. Unsa kahay pagbati sa Diyos niana? [Patubaga.] Matikdi kon unsay gitudlo ni Jesus bahin niini.” Tunoli ang tagbalay ug kopya sa Agosto 1 nga Bantayanang Torre ug hisgoti ninyo ang topiko ubos sa unang sub-ulohan sa panid 16 ug bisag usa lang ka teksto nga gisitar. Itanyag ang magasin, ug pakigsabot nga mobalik sa paghisgot sa sunod nga pangutana.

Ang Bantayanang Torre Agosto 1

“Maayo kahang tudloan ang mga bata bahin sa Diyos samtang gamay pa, o mas maayong maghulat hangtod nga sila modako-dako na ug silay padesisyonon kon unsay ilang piliong relihiyon? [Patubaga.] Matikdi ang gisugo nga buhaton sa mga amahan. [Basaha ang Efeso 6:4.] Kining magasina dunay pipila ka sugyot kon sa unsang paagi makatudlo ang mga ginikanan sa ilang mga anak bahin sa Diyos.”

Pagmata! Agosto

“Gusto kong mahibalo sa imong opinyon niining tekstoha. [Basaha ang 1 Samuel 16:23.] Sumala pa niini, ang musika dunay gahom. Posible kaha nga dunay daotang epekto ang ubang musika? [Patubaga.] Kining magasina naghisgot kon unsaon nato paghimog maalamong desisyon sa pagpilig musika ug kon unsaon nato pagtabang sa atong mga anak sa paghimo usab niini.”