Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Agosto

“Ang mga tawo karon sagad naghulagway kang Jesus kon unsa siya duha ka libo ka tuig kanhi, ingong bata sa pasungan o tawo nga gilansang sa sakitanang estaka. Apan para nimo, unsay ginahimo ni Jesus karon? [Patubaga.] Matikdi ang giingon dinhi.” Itunol ang Agosto 1 nga Bantayanang Torre, ug hisgoti ninyo ang unang sub-ulohan sa panid 16 ug basaha bisag usa lang ka teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Agosto 1

“Daghang tawo ang nagtuog milagro. Ang uban nagduhaduha niana. Para nimo, nahitabo ba gayod ang mga milagro? [Patubaga.] Kining gisaad nga umaabot nga milagro naghatag ug paglaom sa daghang tawo. [Basaha ang usa sa mga teksto nga makita sa panid 9-10.] Kini nga magasin nagtubag sa tulo ka komon nga pagtutol labot sa mga milagro.”

Pagmata! Agosto

“Daghang tawo karon ang mahadlok nga molakawng way kauban, ilabina sa gabii. Sa imong hunahuna, duna pa bay mahimo aron mamenosan ang kapintasan sa kalibotan? [Patubaga.] Kining magasina naghisgot ug pipila ka paagi aron kitang tanan mahimong mas makigdaiton sa uban. Naghisgot usab kini kon sa unsang paagi matuman kining makapadasig nga tagna sa Bibliya.” Basaha ang Salmo 72:7.