Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Mayo

“Para nimo, ang relihiyon ba makapatunhay sa gugma ug kalinaw, o makapukaw sa pagdumot ug kapintasan? [Patubaga.] Duna koy makapainteres nga impormasyon bahin niini.” Itunol kaniya ang Mayo 1 nga Bantayanang Torre, ug hisgoti ninyo ang unang sub-ulohan sa panid 16 ug basaha bisag usa lang sa mga teksto. Itanyag ang mga magasin ug pakigsabot nga mobalik ka aron hisgotan ang sunod nga pangutana.

Ang Bantayanang Torre Mayo 1

“Daghan ang nagtuo nga ang relihiyon angayng moapil sa politika, apan gihunahuna sa uban nga dili angayng sagolon ang relihiyon ug politika. Unsay imong hunahuna? [Patubaga.] Matikdi ang reaksiyon ni Jesus sa dihang gusto sa mga tawo nga paapilon siya sa politika. [Basaha ang Juan 6:15.] Kining magasina naghisgot kon nganong ingon niadto ang reaksiyon ni Jesus ug naghisgot usab sa labing maayong paagi nga ang mga Kristohanon makatabang sa ilang komunidad.”

Pagmata! Mayo

“Halos tanan nga among gikaestorya nakasinatig inhustisya. Sa imong hunahuna duna bay solusyon sa inhustisya? [Patubaga.] Matikdi ang tagna bahin sa magmamando nga maoy magwagtang sa inhustisya. [Basaha ang Salmo 72:​11-14.] Kining magasina naghisgot sa mga saad sa Bibliya bahin sa panahon nga wala nay inhustisya.”