Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Abril

“Ang bawtismo sagad gihimo sa daghang Kristohanon. Sa imong hunahuna, importante ba ni? [Patubaga.] Dunay nindot nga mga punto niini nga artikulo.” Hatagi ang tagbalay ug kopya sa Abril 1 nga Bantayanang Torre, ug hisgoti ninyo ang unang sub-ulohan sa panid 16 ug basaha ang usa sa gisitar nga mga teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Abril 1

“Lainlaig gituohan ang mga tawo bahin kang Jesus. Ang uban nagtuo nga siya ang sinaad nga Mesiyas. Matod sa uban, usa lang siya ka maayong tawo. May moingon pod nga siya wala maglungtad. Ikaw, unsa may imong hunahuna? [Patubaga.] Ang Bibliya nag-ingon nga importanteng makaila ta kon kinsa gyod siya. [Basaha ang Juan 17:3.] Gipakita niining magasina ang tubag sa Bibliya sa pipila ka komon nga pangutana bahin kang Jesus.”

Pagmata! Abril

“Ang among pagduaw maoy serbisyo publiko sa mga pamilya. Mouyon ka bang ang mga pamilya karon nagsagubang ug mga problema? [Patubaga.] Matikdi kon diin nakakaplag ang daghan ug mapuslanong tambag. [Basaha ang Salmo 119:105.] Gihisgotan niining magasina kon sa unsang paagi ang mga prinsipyo sa Bibliya nakatabang sa pagsulbad sa mga problema sa pamilyang may humabdos.”