Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Enero

“Buot namong kuhaon ang imong opinyon. Sa imong nahibaloan, unsay ngalan sa Diyos? [Patubaga.] Matikdi kon unsay mabasa nato dinhi.” Itunol ang Enero 1 nga Bantayanang Torre, ipakita ang artikulo sa likod nga hapin, ug hisgoti ninyo ang unang sub-ulohan ug bisag usa lang ka teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Enero 1

“Ginaestoryahan sa daghang tawo ang kataposan sa kalibotan. Para nimo, angay ba tang mahadlok sa kataposan sa kalibotan? [Patubaga.] Sumala dinhi, adunay maluwas. [Basaha ang 1 Juan 2:17.] Kini nga magasin nagpakita sa tubag sa Bibliya sa upat ka komong pangutana bahin sa kataposan sa kalibotan.”

Pagmata! Enero

“Nagaduaw kami sa mga pamilya aron ipaambit ang pipila ka mapuslanong impormasyon. Sa imong hunahuna, importante ba nga ang mga pamilya mosunod sa giingon ni Jesus dinhi? [Basaha ang Buhat 20:35b. Dayon patubaga.] Ang pagtudlo sa mga bata nga magmahunahunaon sa uban mahimong lisod kaayo sa kalibotan diin daghan ang daw naghunahuna lang sa ilang kaugalingon. Kini nga artikulo naghatag ug pipila ka praktikal nga paagi kon unsaon pagmatuto sa mga ginikanan ang ilang mga anak aron mahimong magmahunahunaon sa uban.”