Sampol nga mga Presentasyon

Kingdom News Num. 38

“Nakigbahin ko sa tibuok-kalibotang kampanya sa pagpakaylap ug importanteng mensahe. Imo ning kopya.”

Pahinumdom: Aron makobrehan ang teritoryo, mub-a ra ang imong presentasyon. Pero, usahay ang tagbalay interesado gayod ug gustong makig-estorya. Kon mao, pangutan-a ang iyang opinyon sa pangutana sa ulohan, basaha ang tubag sa Bibliya nga makita sa sulod, ug hisgoti ang lain pang bahin diha sa tract, kon may oras pa. Una mobiya, ipakita ang pangutana sa likod sa tract ubos sa “Hunahunaa Kini” ug pakigsabot nga mobalik aron hisgotan kini.

Ang Bantayanang Torre Enero 1

“Nagaduaw mi kadiyot aron makighisgot bahin sa usa ka butang nga apektado tang tanan—ang kamatayon sa atong minahal. Di ba lisod kaayong atubangon ang kamatayon sa suod natong higala o paryente? [Patubaga.] Daghan ang nahupayan niini nga teksto sa Bibliya. [Basaha ang Isaias 25:8.] Kini nga magasin naghisgot sa makapadasig nga saad sa Bibliya nga taposon ang kamatayon ug buhion pag-usab ang atong mga minahal.”

Pagmata! Enero

“Mouyon ba ka nga daghag problema ang mga pamilya karon? [Patubaga.] May panultihon ang Bibliya nga naghisgot kon unsay gikinahanglan sa mga pamilya aron molig-on ang ilang panimalay. [Basaha ang Proverbio 24:3.] Napamatud-an sa daghan nga ang Bibliya tinubdan sa kasaligang kaalam. Kini nga magasin naghisgot ug talagsaong Web site nga bahin sa Bibliya ug dunay libreng mga galamiton nga makatabang sa pamilya.”