Sampol nga mga Presentasyon

Sa Pagsugod ug mga Pagtuon sa Bibliya sa Unang Sabado sa Mayo

“Sa imong hunahuna, nganong gitugotan sa Diyos ang pagkadaotan ug pag-antos? [Patubaga.] Gusto kong ipakita kanimo ang makapainteres nga impormasyon bahin niini.” Basaha uban kaniya ang materyal ubos sa unang sub-ulohan sa panid 16 sa Mayo 1 nga gula sa Bantayanang Torre ug ang usa sa mga tekstong gisitar. Itanyag ang mga magasin, ug hikaya nga mobalik aron hisgotan ang tubag sa sunod nga pangutana.

Ang Bantayanang Torre Mayo 1

Basaha ang Salmo 37:10, 11. Dayon moingon: “Sa imong hunahuna, matuman ba kini nga saad sa dili madugay? [Patubaga.] Kini nga magasin naghisgot sa unom ka lainlaing tagna sa Bibliya nga nagakatuman karon. Kini nga mga tagna nagpakita nga sa dili madugay kini nga saad mamatuman.”

Pagmata! Mayo

“Ang uban moingon nga kita maoy taas nga matang sa hayop nga sa ngadtongadto nahimong tawo. Unsay imong hunahuna? [Patubaga. Dayon basaha ang Salmo 139:14.] Siyempre, limitado lamang ang nahibaloan sa salmista bahin sa pagkakahibulongan sa atong lawas. Gihisgotan niining magasina kon unsa nay atong nahibaloan karon ug kon unsay nakapalahi kanato sa mga hayop.”