Kon Unsaon Pagtanyag sa mga Magasin

Ang Bantayanang Torre Marso 1

“Dunay magkalahing opinyon bahin kang Jesus. Para nimo, siya ba ang anak sa Diyos o usa lamang ka maayong tawo?” Patubaga. Dayon basaha kaniya ang impormasyon ubos sa usa sa mga pangutana sa panid 16-17 ug ang usa sa gisitar nga mga teksto. Itanyag ang mga magasin, ug hikaya nga mobalik aron hisgotan ang tubag sa sunod nga pangutana.

Pagmata! Marso

Sa dihang makig-estorya sa usa ka batan-on, ipakita ang artikulo sa panid 26. Ipunting ang unang sub-ulohan ug mangutana, “Kini ba nga mga pahayag tinuod o bakak? [Patubaga. Dayon basaha ang 2 Corinto 7:1.] Gihisgotan niini kon unsay angay nimong mahibaloan bahin sa pagpanigarilyo, ug kon unsaon pag-undang.”

Ang Bantayanang Torre Abril 1

“Daghan ang lainlaig pagtuo bahin kang Jesus. Para nimo, hinungdanon ba nga mahibaloan ang kamatuoran bahin kaniya? [Patubaga. Dayon basaha ang Juan 17:3.] Kining magasina nagpatin-aw sa giingon sa Bibliya bahin kang Jesus—diin siya gikan, unsay iyang pagkinabuhi, ug nganong siya namatay.”

Pagmata! Abril

“Mouyon ka ba nga ang mamatyag minahal sa kinabuhi mao ang usa sa labing masakit nga kasinatian sa tawo? [Patubaga.] Daghan ang natabangan niining tambaga. [Basaha ang Salmo 55:22.] Kining magasina naghisgot ug praktikal nga mga paagi sa pagsagubang sa kasubo ug kon sa unsang paagi ikatugyan sa Diyos ang atong palas-anon.”