Kon Unsay Isulti Bahin sa mga Magasin

Ang Bantayanang Torre Marso 1

Basaha ang Exodo 20:15. Dayon isulti kini: “Ang kadaghanan nagtuman niini, apan ang uban nagtuo nga kon lisod na kaayo ang kahimtang ang pagpangawat ug ubang matang sa pagkadili-matinud-anon dili daotan. Unsay imong hunahuna? [Patubaga.] Gipakita niining artikuloha ang mga kaayohan sa pagkamatinud-anon kanunay.” Ipakita ang artikulo sa panid 12.

Pagmata! Marso

“Daghan ang nagtahod sa Bibliya apan nagtuo nga dili na kini mapuslanon karon. Unsay imong hunahuna? [Patubaga. Dayon basaha ang Roma 15:4.] Gipakita niining artikuloha nga bisan ang karaang mga bahin sa Bibliya mapuslanon gihapon.” Ipakita ang artikulo sa panid 28.

Ang Bantayanang Torre Abril 1

“Mouyon ka ba sa giingon sa kadaghanan nga si Jesus ang labing bantogang tawo nga nabuhi sukad? [Patubaga.] Matikdi kon nganong angay natong susihon ang nagkalainlaing opinyon bahin kaniya sa pagsusi sa tinuod. [Basaha ang Juan 17:3.] Gipakita niining espesyal nga gula sa Bantayanang Torre kon unsay giingon sa Bibliya bahin kang Jesus ug sa iyang mga pagtulon-an.”

Pagmata! Abril

“Mouyon ka ba nga morag kulang kitag panahon sa pagtapos sa tanan natong gustong buhaton? [Patubaga.] Nakita sa daghan nga mapuslanon kining tambaga. [Basaha ang Filipos 1:10.] Kining magasina naghatag ug praktikal nga mga sugyot nga makatabang kanato sa pagbahinbahin sa atong panahon.”