Kon Unsay Isulti Bahin sa mga Magasin

Ang Bantayanang Torre Marso 1

“Lisod gayod ang paghimo sa kon unsay husto ilabina kon ang mga tawo sa imong palibot mopit-os kanimo sa paghimog sayop. Sa imong hunahuna, unsa kahay makatabang aron dili nila kita maimpluwensiyahan? [Patubaga. Dayon basaha ang Proverbio 29:25.] Kining artikuloha naghisgot sa lima ka rason kon nganong angay kitang mahadlok sa Diyos inay sa tawo.” Ipakita ang artikulo sa panid 12.

Pagmata! Marso

“Kitang tanan gustong makabaton ug tinuod nga higala. Unsang mga hiyas ang imong gipangita sa usa ka higala? [Patubaga.] Matikdi ang giingon sa Bibliya bahin niini. [Basaha ang Proverbio 17:17.] Kini nga artikulo adunay mga sugyot kon unsaon pagpangitag tinuod nga higala ug kon sa unsang paagi kita mahimong maayong higala ngadto sa uban.” Ipakita ang artikulo sa panid 18.

Ang Bantayanang Torre Abril 1

“Gusto nakong masayran ang imong opinyon bahin niining giingon ni Jesus. [Basaha ang Juan 3:3.] Sa imong hunahuna, unsa kahay buot ipasabot nga ang usa ipanganak pag-usab o mahimong born again? [Patubaga.] Ang tukmang pagsabot sa giingon ni Jesus makaapekto sa atong kinabuhi ug sa atong mga gilaoman sa umaabot. Isaysay kanimo niining magasina kon ngano.”

Pagmata! Abril

“Daghang estudyante ang tensiyonado diha sa eskuylahan. Sa imong hunahuna, nausab na ba ang kahimtang karon sa eskuylahan kon itandi sa panahon nga nagtungha pa ang ilang mga ginikanan? [Patubaga.] Ang sobrang tensiyon adunay dili maayong mga epekto. [Basaha ang Ecclesiastes 7:7a.] Kining magasina naghisgot kon sa unsang paagi ang mga adulto makatabang sa mga batan-on nga masagubang ang maong tensiyon.”