Kon Unsay Isulti Bahin sa mga Magasin

Ang BAntayanang Torre Mayo 1

“Sa unsang paagi mausab ang kalibotan kon ang matag usa mosunod sa giingon ni Jesus dinhi? [Basaha ang Mateo 7:12. Patubaga.] Gipasiugda niining artikuloha ang pipila sa mga pagtulon-an ni Jesus aron ipakita kon unsa gayod ang nalangkit sa pagkahimong Kristohanon.” Ipakita ang artikulo sa panid 16.

Pagmata! Mayo

“Sa imong hunahuna, mouswag pa kaha ang ekonomiya? [Patubaga.] Daghan ang wala masayod kon sa unsang paagi ang Bibliya makatabang kanato niining malisod nga panahon. [Basaha ang usa ka teksto nga anaa sa artikulo.] Kining artikuloha naghisgot kon sa unsang paagi ang mga tambag sa Bibliya makatabang kanato sa pagsagubang sa kalisdanan.” Ipakita ang artikulo sa panid 18.

Ang Bantayanang Torre Hunyo 1

“Dili sama kaniadto, daghang relihiyon karon ang wala na magwali bahin sa sala. Nagtuo ka ba nga kinaraan na ug dili na angayng hisgotan ang sala, o usa kini ka butang nga angay natong tagdon? [Patubaga. Dayon basaha ang Roma 5:12.] Kining magasina naghisgot kon unsay giingon sa Bibliya bahin sa sala.”

Pagmata! Hunyo

“Daw misamot ka tensiyonado ang kinabuhi karon. Mouyon ka ba niana? [Patubaga.] Daghan ang mouyon sa usa ka rason nga gihisgotan sa Bibliya kon nganong daghan kaayo ang natensiyon karon. [Basaha ang 2 Timoteo 3:1.] Gisaysay niining magasina kon sa unsang paagi ang tensiyon makaapektar kanato. Naghisgot usab kini ug pipila ka paagi kon unsaon pagkontrolar ang tensiyon.”