Kon Unsay Isulti Bahin sa mga Magasin

Ang Bantayanang Torre Nobyembre 1

“Daw nagkagrabe ang mga pagpit-os nga nasinati sa mga pamilya karon. Sa imong hunahuna, unsa kahay resulta kon ang matag membro sa pamilya maningkamot sa pagsundog sa tinamdan ni Jesus nga mabasa dinhi? [Basaha ang Mateo 20:28. Patubaga.] Gihisgotan niining artikuloha ang lima ka leksiyon nga makat-onan sa mga pamilya bahin sa panig-ingnan ni Jesus.” Ipakita ang artikulo sa panid 16.

Pagmata! Nobyembre

“Sa imong hunahuna, ang relihiyon ba makaimpluwensiya sa tawo sa paghigugma ug sa pagpakigdait o makapukaw sa pagdumot ug sa paghimog kapintasan? [Patubaga.] Daw daghan karon ang wala magpadapat niining maong mga pulong ni Jesus. [Basaha ang Mateo 5:44, 45.] Kining artikuloha magtubag sa pangutanang, posible bang higugmaon nato ang atong mga kaaway?” Ipakita ang artikulo sa panid 10.

Ang Bantayanang Torre Disyembre 1

“Sa imong hunahuna may panahon kaha nga taposon sa Diyos ang tanang pag-antos dinhi sa yuta? [Patubaga.] Matikdi kining saad sa Bibliya nga naghatag kanatog paglaom. [Basaha ang usa sa mga teksto nga makita diha sa kahon sa panid 7.] Gipakita niining magasina kon unsay giingon sa Bibliya bahin sa kon kanus-a ug sa unsang paagi taposon sa Diyos ang tanang pag-antos.”

Pagmata! Disyembre

“Ang pipila nagtuo nga gilalang ang uniberso, samtang ang uban naghunahuna nga kini sulagma lang nga mitungha ug kini wala konoy katuyoan. Unsay imong hunahuna niana? [Patubaga.] Matikdi kon unsay giingon sa Bibliya bahin niini. [Basaha ang Hebreohanon 3:4.] Kining magasina nagtaganag makataronganong katin-awan bahin sa sinugdanan ug katuyoan sa uniberso.”