Kon Unsay Isulti Bahin sa mga Magasin

Ang Bantayanang Torre Disyembre 1

“Niining mga panahona, daghan ang maggamag Belen sa paghulagway niini nga asoy sa Bibliya. [Basaha ang Mateo 2:1, 11.] Namatikdan ba nimo ang mga kalainan sa gihisgotan sa Bibliya ug sa kasagarang gihulagway diha sa Belen? [Patubaga.] Kining artikuloha naghisgot kon unsay tinuod nga nahitabo.” Ipakita ang artikulo sa panid 31.

Pagmata! Disyembre

“Buot kong mahibaloan kon unsay imong opinyon bahin sa giingon ni Jesus. [Basaha ang Mateo 5:3.] Sanglit daghan kaayo ang nagkalainlaing relihiyon, sa imong hunahuna, hinungdanon ba ang pagpilig paagi kon unsaon nimo pagtagbaw ang imong espirituwal nga panginahanglan? [Patubaga.] Gipakita niining artikuloha kon unsaon pagkaplag ang tinuod nga espirituwal nga katagbawan sumala sa Bibliya.” Ipakita ang artikulo sa panid 12.

Ang Bantayanang Torre Enero 1

“Nagkasumpaki ang mga opinyon sa relihiyon bahin sa pag-inom ug alkoholikong mga ilimnon. Sa imong hunahuna, unsa kahay panglantaw sa Diyos bahin sa tawo nga moinom ug alkoholikong ilimnon? [Patubaga.] Bisag ang Bibliya nag-ingon nga kas-a milagrosong gihimo ni Jesus ang tubig nga bino, ang Bibliya nag-ingon usab. [Basaha ang Proverbio 23:20a.] Gipakita niining magasina ang timbang nga panghunahuna sa Bibliya.”

Pagmata! Enero

“Niining malisod nga mga panahon, daghan ang mibati ug hilabihang kakapoy ug tensiyon. Gibati ba usab nimo kana? [Patubaga.] Matikdi kining praktikal nga tambag. [Basaha ang Ecclesiastes 4:6.] Kining magasina naghisgot kon sa unsang paagi atong mabalanse ang trabaho, pamilya, ug kalingawan. May mga sugyot usab kini alang sa mga nangitag trabaho.”