Kon Unsay Isulti Bahin sa mga Magasin

Ang Bantayanang Torre Abril 1

“Ang Bibliya nag-ingon nga si Jesus namatay. Apan ang ubang basahon nag-ingon nga siya wala mamatay, ug siya kono minyo ug dunay mga anak. Nakadungog ka ba niana? [Patubaga.] Hinungdanon gyod nga mahibalo kita kon unsay tinuod. [Basaha ang Juan 17:3.] Kining artikuloha naghisgot sa mga rason kon nganong mosalig kita sa giingon sa Bibliya bahin kang Jesus. Ipakita ang artikulo sa panid 26.

Pagmata! Abril

Basaha ang Salmo 37:9-11. Dayon pangutan-a: “Sa imong hunahuna, unsa kahay kahimtang sa kalibotan kon matuman na kini? [Patubaga.] Gihisgotan niining artikuloha ang maong makapadasig nga tagna ug nagsaysay kon nganong kaylap kaayo ang pagkadaotan karon.” Ipakita ang artikulo sa panid 20.

Ang Bantayanang Torre Mayo 1

“Nahibulong ka ba kon nganong gitugotan sa Diyos ang pag-antos? [Patubaga.] Matikdi kon giunsa pagpahayag sa usa ka magsusulat sa Bibliya ang pangutana nga gisukna sa daghang tawo. [Basaha ang Salmo 10:1.] Gihisgotan niining magasina ang tubag sa Bibliya kon nganong gitugotan sa Diyos ang pag-antos ug kon unsay iyang ginahimo sa paghupay sa mga tawo.”

Pagmata! Mayo

“Daghan ang gustong moundang sa pagpanigarilyo apan nalisdan sa pagbuhat niana. Duna ka bay nailhan? [Patubaga.] Nagmalamposon ang uban pinaagi sa tabang sa ilang mga higala ug pamilya. [Basaha ang Ecclesiastes 4:12a.] Gihisgotan niining magasina ang pipila ka praktikal nga sugyot nga makatabang sa pag-undang sa pagpanigarilyo.”