Kon Unsay Isulti Bahin sa mga Magasin

Ang Bantayanang Torre Hunyo 1

“Daghan ang nagtuo nga ang mga relihiyon sa kalibotan maoy managkalahing dalan, apan mopaingon ra gihapon sa samang Diyos. Unsay imong ikasulti bahin niana? [Patubaga.] Matikdi kon unsay giingon sa Bibliya. [Basaha ang Josue 24:15.] Kining artikuloha naghisgot ug maayong mga rason sa pagsusi sa atong relihiyon kon kini ba magtultol kanato ngadto sa matuod nga Diyos.” Ipakita ang artikulo sa panid 12.

Pagmata! Hunyo

“Kitang tanan dunay mga kaila nga namatay na. Sa imong hunahuna, angay ba kitang mahadlok nga basin ang uban kanila nasuko ug buot modaot kanato? [Patubaga. Dayon basaha ang Ecclesiastes 9:5, 6.] Kining artikuloha makahatag kanimog kahupayan.” Ipakita ang artikulo sa panid 22.

Ang Bantayanang Torre Hulyo 1

“Daghang tawo nga nagbaton ug Bibliya nalisdan sa pagsabot niana. Nalisdan ka ba usab sa pagsabot sa Bibliya? [Patubaga.] Sumala niining bersikuloha, buot sa Awtor sa Bibliya nga kita makasabot ug makabenepisyo sa iyang sinulat nga Pulong. [Basaha ang Salmo 119:130.] Kining magasina naghatag ug tulo ka sugyot nga makatabang kanato sa pagsabot sa Bibliya.”

Pagmata! Hulyo

“Daghan karon ang nag-antos sa depresyon. Sa imong hunahuna, interesado kaha ang Diyos niadtong may problema sa emosyon? [Patubaga. Dayon basaha ang Salmo 34:18.] Kining magasina nagsaysay kon sa unsang paagi ang mga tawong nag-antos sa hilabihang kaguol makadawat ug tabang gikan sa Diyos, bisan pag sila kinahanglan magpatambal usab sa doktor. Naghatag usab kinig mga sugyot kon unsay atong isulti aron hupayon sila.”