Kon Unsay Isulti Bahin sa mga Magasin

Ang Bantayanang Torre Hulyo 1

“Daghan kanato ang wala mahibalo kon unsay isulti ngadto sa usa ka higala nga may grabeng sakit o gitagalan na ang kinabuhi. Unsay imong hunahuna niining tambaga? [Basaha ang Santiago 1:19. Dayon tugoting motubag.] Kining artikuloha naghatag ug praktikal nga mga sugyot nga gipasukad sa mga prinsipyo sa Bibliya.” Hisgoti ang hinungdanong punto sa panid 10.

Pagmata! Hulyo

“Angay bang ordinahan ang mga babaye ingong ministro? [Tugoting motubag.] Mao kini ang giingon sa Bibliya bahin sa usa ka babaye. [Basaha ang Roma 16:1.] Apan, ang laing bersikulo nag-ingon nga ang mga babaye angayng magpakahilom diha sa kongregasyon. Busa, unsa man gayoy panglantaw sa Bibliya niini? Gipatin-aw kini niining artikuloha.” Hisgoti ang hinungdanong punto sa panid 28.

Ang Bantayanang Torre Agosto 1

“Daghan ang nahadlok nga madaot o malaglag ang yuta tungod sa nukleyar nga gubat o sa pagkausab sa klima. Sa imong hunahuna, mahitabo kaha kana? [Tugoting motubag.] Matikdi ang giingon sa Bibliya bahin niini. [Basaha ang Pinadayag 11:18.] Gitubag niining magasina ang upat ka komon nga pangutana bahin sa kataposan sa kalibotan.”

Pagmata! Agosto

“Lagmit, sa miagi nahinabi ka na sa mga Saksi ni Jehova. Wala ka ba mahibulong kon nganong mamalaybalay mi, ilabina nga daghang tawo ang dili interesado? [Tugoting motubag. Dayon basaha ang Mateo 24:14.] Among nasayran nga daghan ang may sayop nga pagtuo bahin kanamo. Kining magasina nagsaysay kon kinsa gayod ang mga Saksi ni Jehova.”