Sampol nga Presentasyon

Sa pagsugod ug pagtuon sa Bibliya sa unang Sabado sa Hulyo

“Daghan ang nagsubli niining mga pulong sa Pag-ampo sa Ginoo: ‘Moabot kanamo ang imong gingharian. Matuman ang imong pagbuot dinhi sa yuta maingon man sa langit.’ Unsa kaha ang maong Gingharian? [Patubaga.] Kini nga teksto sa Bibliya mohatag kanatog ideya.” Basaha ang Daniel 2:44. Dayon itunol ang Hulyo 1 nga Bantayanang Torre ug basaha ug hisgoti uban kaniya ang unang sub-ulohan sa panid 16. Itanyag ang mga magasin, ug hikaya nga mobalik aron hisgotan ang tubag sa sunod nga pangutana.

Ang Bantayanang Torre Hulyo 1

“Tungod kay mubo ang kinabuhi ug punog problema, daghan ang naghunahuna kon unsay kahulogan sa kinabuhi. Imo ba usab kining napamalandong? [Patubaga.] Ang Bibliya nagsaad nga ang kinabuhi dili kanunayng ingon niini. [Basaha ang Pinadayag 21:4.] Kini nga magasin naghisgot sa katuyoan sa Diyos alang sa yuta ug dunay pipila ka sugyot kon unsaon pagkaplag ang tinuod nga kahulogan sa kinabuhi bisan karon.”

Pagmata! Hulyo

Paghisgot ug usa ka trahedya diha sa balita. Dayon moingon: “Nganong gitugotan kaha sa Diyos nga mahitabo kini? [Patubaga.] Sumala sa Bibliya, ang Diyos naluoy niadtong nag-antos. [Basaha ang Exodo 3:7.] Ang Bibliya nagtug-an usab kanato kon nganong gitugotan sa Diyos ang pag-antos ug nga sa dili madugay iya kining taposon hangtod sa hangtod. Kini nga magasin magsaysay kanimo.”