Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Hulyo

“Kitang tanan gustog malipayon ug way kataposang kinabuhi. Sa imong hunahuna moabot kaha ang adlaw nga pinaagi sa siyensiya ug medisina mabuhi ta sa way kataposan? [Patubaga.] Matikdi ang giingon dinhi.” Ipakita ang hapin sa likod sa Hulyo 1 nga Bantayanang Torre, ug hisgoti ang unang pangutana ug ang usa sa gisitar nga teksto. Itanyag ang mga magasin ug ingnang mobalik ka aron hisgotan ang sunod nga pangutana.

Pahinumdom: Kini nga demonstrasyon ipasundayag sa tigom alang sa pagsangyaw sa Hulyo 6.

Ang Bantayanang Torre Hulyo 1

“Daghan sa among naestorya dunay kaugalingong relihiyon. Apan matod sa uban nawad-an na silag pagsalig sa relihiyon. Unsa man poy imong ikasulti bahin niini? [Patubaga.] Gitabangan ta ni Jesus kon unsaon pagsusi ang usa ka relihiyon. [Basaha ang Lucas 6:44a.] Gihisgotan niining magasina ang daotang bunga nga gipatungha sa relihiyon. Gitubag sab niini ang pangutanang, Duna bay relihiyon nga imong kasaligan?”

Pagmata! Hulyo

“Usa sa gikabalak-an karon mao ang inhustisya. Ang ubang mga tawo nagprotesta niini. Sa imong hunahuna magmalamposon kaha ang mga nagprotesta sa pagpatunghag kausaban? [Patubaga.] Matikdi ang giingon sa Bibliya kon unsay magpatunghag tinuod nga kausaban sa yuta. [Basaha ang Mateo 6:9, 10.] Tubagon niining magasina ang pangutanang, Pagprotesta ba ang solusyon?”

Maayong Balita Gikan sa Diyos!

“Ania mi karon sa inyong lugar aron ipaambit ang makadasig nga impormasyon sa Bibliya. Daghan sa among naestorya naglibog kon nganong tugotan sa usa ka mahigugmaong Diyos ang pag-antos sa kalibotan. Sa imong hunahuna, ang pag-antos ba maoy bahin sa orihinal nga katuyoan sa Diyos alang sa yuta?” Patubaga. Dayon paklia ang Leksiyon 5, ug hisgoti ang unang duha ka parapo ug ang mga tekstong ipabasa. Itanyag ang brosyur, ug ingnang mobalik ka aron hisgotan ang sunod nga pangutana.