Sampol nga mga Presentasyon

Pagsugod ug Pagtuon sa Bibliya sa Unang Sabado sa Hulyo

“Sa imong hunahuna, unsa kahay pagbati sa Diyos sa atong mga pag-ampo? Iya kaha ning gipabilhan o gibalewala lang?” Patubaga. Ipakita ang likod sa Hulyo 1 nga Bantayanang Torre, ug hisgoti ang unang pangutana ug ang usa sa gisitar nga teksto. Itanyag ang mga magasin, ug pakigsabot nga mobalik ka aron hisgotan ang sunod nga pangutana.

Ang Bantayanang Hulyo 1

“Kay ang Diyos makagagahom man, siya bay mabasol sa tanang daotang hitabo sa kalibotan? [Patubaga. Dayon, basaha ang Santiago 1:13.] Gihisgotan niining magasina kon nganong nagakahitabo ang daotang mga butang ug kon sa unsang paagi taposon sa Diyos ang pagkadaotan ug pag-antos.”

Pagmata! Hulyo

“Bisag kinsa puwedeng mabiktima sa mga kalamidad, grabeng sakit, o kaha mamatyag minahal. Kon mahitabo kini, makatabang kaha kon positibo tag hunahuna? [Patubaga.] Daghang biktima sa trahedya ang natabangan sa Bibliya. [Basaha ang Roma 15:4.] Gihisgotan niining magasina kon sa unsang paagi ang Bibliya makatabang kon mabiktima kita sa trahedya.”