Sampol nga mga Presentasyon

Sa pagsugod ug pagtuon sa Bibliya sa unang Sabado sa Disyembre

“Daghang tawo ang nagpaabot nga mobalik si Jesus. Kon mobalik si Jesus, unsay gusto nimong himoon niya?” Paghulat ug tubag. Ipakita ang hapin sa likod sa Disyembre 1 nga Bantayanang Torre, ug hisgoti ang unang pangutana ug ang usa sa gisitar nga mga teksto. Itanyag ang mga magasin ug ingnang mobalik ka aron hisgotan ang sunod nga pangutana.

Ang Bantayanang Torre Disyembre 1

“Busy na kaayo ang mga tawo karon maong wa na silay panahon sa Diyos. Sa imong hunahuna, importante ba ang Diyos sa atong kinabuhi? [Patubaga.] Sa iyang nabantog nga Wali sa Bukid, si Jesus miingon nga kinahanglang duna tay maayong espirituwalidad aron tinuod nga magmalipayon. [Basaha ang Mateo 5:3.] Gihisgotan niining magasina ang tulo ka rason kon nganong kinahanglan nato ang Diyos.”

Pagmata! Disyembre

“Kadaghanan nato magbase sa atong opinyon kon unsay atong madunggan o mabasa sa balita. Sa imong hunahuna, ang tanan bang balita tinuod? [Patubaga.] Ang Bibliya nagpasidaan nga dili dayon ta mosalig kon unsay atong madunggan. [Basaha ang Job 12:11.] Kini nga magasin may mga sugyot kon unsaon nato pagsusi ang mga pulong nga atong madunggan ug mabasa.”