Sampol nga Presentasyon

Sa Pagsugod ug Pagtuon sa Bibliya sa Unang Sabado sa Disyembre

“Kitang tanan nagkinahanglag mga higala. Unsang hiyas ang gusto kaayo nimo sa usa ka higala? [Patubaga.] Matikdi ang giingon dinhi kon nganong pilion nato pag-ayo ang atong mga higala.” Hatagi ang tagbalay ug Disyembre 1 nga Bantayanang Torre, ug basaha ug hisgoti ninyo ang unang sub-ulohan sa panid 16. Basaha ang usa lang sa mga teksto. Itanyag ang mga magasin, ug ingna nga mobalik ka aron hisgotan ang tubag sa sunod pangutana.

Ang Bantayanang Torre Disyembre 1

“Sa imong hunahuna, nganong daghan kaayong katalagman karon? [Patubaga.] Abi nimo, gitagna na kini sa Bibliya. [Basaha ang Mateo 24:7, 8.] Kini nga magasin nagtubag niining mga pangutanaha: Nganong daghan kaayong katalagman karon? Silot ba kini gikan sa Diyos? Nganong makalaom kita nga sa dili madugay taposon na sa Diyos ang tanang katalagman?”

Pagmata! Disyembre

Basaha ang 2 Timoteo 3:16, dayon isulti kini: “Ang uban mouyon nga ang Bibliya inspirado sa Diyos, ang uban dili. Ikaw, unsay imong hunahuna? [Patubaga.] Bisag lainlain ang opinyon bahin niini, daghan ang mouyon nga Bibliya lang ang gipaningkamotan pag-ayo nga mahanaw. Gihubit niining magasina kon unsang mga paningkamot ang gihimo sa pagdaot niini latas sa kasiglohan aron dili kini mabasa. Gihisgotan usab dinhi kon nganong napreserbar kini hangtod karon.”