Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Disyembre

“Niining panahona, daghang tawo ang naghunahuna kang Jesus. Para nimo, unsay kinadak-ang butang nga nalampos ni Jesus? [Patubaga.] Matikdi ang ulohan niini nga artikulo sa panid 16.” Itunol ang Disyembre 1 nga Bantayanang Torre, ug hisgoti ninyo ang unang sub-ulohan ug basaha bisag usa lang ka teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Disyembre 1

“Niining panahona, gibati na sa daghang tawo ang diwa sa Pasko. Sa imong hunahuna, hain niining mga puntoha ang labing hinungdanong bahin sa maong diwa? [Ipakita ang lista sa panid 3 ug patubaga siya. Dayon paklia ang katumbas nga artikulo ug basaha ang tekstong gibasehan sa tema.] Kini nga magasin naghisgot ug praktikal nga mga paagi sa paghandom kang Jesus sa tibuok tuig, dili lang panahon sa Pasko.”

Pagmata! Disyembre

“Kami namisita kay daghan ang mibatig stress ug kapit-osan. Sa imong tan-aw, ang mga tawo ba karon dali rang mawad-ag pailob? [Patubaga.] Ang pipila ka tawo nagtuo nga kita nagkinabuhi sa lisod kaayong panahon nga gitagna sa 2 Timoteo 3:1. [Basaha.] Kini nga magasin nagpatin-aw kon nganong makadaot ang pagkawalay-pailob ug naghatag ug mga sugyot kon sa unsang paagi mahimong mas mapailobon.”