Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Disyembre

“Naghimo mig serbisyo publiko para sa mga pamilya. Gusto sa mga ginikanan nga higugmaon sa ilang mga anak ang Diyos. Angay kaha kining itudlo sa mga ginikanan, o ang mga anak na lang ang mokat-on sa paghigugma sa Diyos nga silasila ra?” Patubaga. Ipakita ang likod sa Disyembre 1 nga Bantayanang Torre, ug hisgoti ang materyal ubos sa unang pangutana ug ang usa sa mga teksto. Itanyag ang magasin, ug pakigsabot nga mobalik aron hisgotan ang sunod nga pangutana.

Ang Bantayanang Torre Disyembre 1

“Naghimo mig mubong pagbisita para makighisgot bahin sa Diyos. Nahibalo mi nga ang matag usa dunay kaugalingong opinyon bahin sa Diyos. Sa imong hunahuna, ang Diyos ba usa ka puwersa nga walay pagbati o usa ka higala nga nahigugma kanato? [Patubaga.] Gipakita sa Bibliya kon unsang relasyon ang gusto sa Diyos uban kanato. [Basaha ang Santiago 4:8a.] Kini nga magasin maghisgot ug tulo ka paagi nga kita mas masuod sa Diyos.”

Pagmata! Disyembre

“Naghimo mig mubong pagbisita kay daghan ang nabalaka sa komon nga sakit karon. Ang World Health Organization miingon nga ang sakit sa pangisip, sama sa depresyon, makaapektar sa usa sa matag upat ka tawo sa usa ka panahon sa ilang kinabuhi. Para nimo, komon ba karon ang sakit sa pangisip? [Patubaga.] Nagsaad ang Bibliya nga sa umaabot, magkinabuhi na kita sa yuta nga walay sakit. [Basaha ang Pinadayag 21:3, 4.] Kini nga magasin maghisgot sa pipila ka butang nga angay natong mahibaloan bahin sa sakit sa pangisip.”