Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Mayo

“Mianhi mi aron sa paghisgot kadali niining makapainteres nga pangutana. [Ipakita ang unang pangutana sa likod sa Mayo 1 nga Bantayanang Torre.] Unsay imong opinyon?” Paghulat ug tubag. Hisgoti ang materyal sa ubos sa pangutana ug ang usa sa gikutlong mga teksto. Itanyag ang mga magasin, ug pagsabot mog higayon aron hisgotan ang sunod nga pangutana.

Ang Bantayanang Torre Mayo 1

“Mianhi mi kadali kay daghang tawo interesado kon unsay anaa sa umaabot. Kon mamalandong ka sa umaabot, unsay imong bation? Masaligon ka ba, o mabalaka? [Paghulat ug tubag. Dayon pagbasag usa sa mga teksto sa kahon nga “Kon Unsay Gipadayag sa Diyos Bahin sa Umaabot.”] Kining magasina naghisgot ug pipila ka butang nga giingon sa Diyos nga mahitabo ug nagsaysay kon nganong makaseguro kita nga kini matuman.”

Pagmata! Mayo

“Mianhi mi kadali aron sa pagtabang sa mga tawo sa pagsagubang sa ilang tensiyon. Sa imong tan-aw, ang mga tawo ba karon mas tensiyonado kay sa una? [Paghulat ug tubag.] Nakita sa daghan nga ang praktikal nga tambag sa Bibliya nakatabang kanila sa pagsagubang sa ilang tensiyon. Aniay pananglitan. [Basaha ang Mateo 6:34.] Gipadayag niining magasina kon sa unsang paagi ang mga prinsipyo sa Bibliya makatabang kanato sa pagsagubang sa upat ka komon nga hinungdan sa tensiyon.”

Pahinumdom: Kini nga isyu makapainteres sa mga negosyante.