Sampol nga mga Presentasyon

Pagsugod ug Pagtuon sa Bibliya sa Unang Sabado sa Hunyo

“Mianhi mi aron hisgotan kadali kining makapainteres nga pangutana. [Ipakita ang unang pangutana sa likod sa Hunyo 1 nga Bantayanang Torre.] Ikaw, unsay imong hunahuna?” Patubaga. Hisgoti ang parapo ubos sa unang pangutana ug ang usa sa gisitar nga mga teksto. Itanyag ang mga magasin, ug pakigsabot kon kanus-a ninyo hisgotan ang sunod nga pangutana.

Ang Bantayanang Torre Hunyo 1

“Mga 6,000,000 ang mamatay matag tuig tungod sa sigarilyo. Duna kahay mahimo aron masanta kini nga epidemya? [Patubaga.] Daghan ang milampos sa pag-undang o sa paglikay sa pagpanigarilyo tungod kay ilang gisusi ang panglantaw sa Diyos bahin niini. Pananglitan, ang uban nakahinuktok sa epekto sa pagpanigarilyo ngadto sa uban tungod niini nga teksto. [Basaha ang 1 Corinto 10:24.] Gihisgotan niining magasina kon sa unsang paagi ang pagsusi sa panglantaw sa Diyos bahin sa pagpanigarilyo makapalihok sa usa ka tawo sa pag-undang.”

Pagmata! Hunyo

“Tungod sa mga social network, daghan na tag mahimong mga amigo ug amiga. Para nimo, unsa ang labing importanteng hiyas sa tinuod nga amigo o amiga? [Patubaga.] Naay maayong tambag ang Bibliya bahin sa panaghigala. [Basaha ang Santiago 1:19.] Gihisgotan niining magasina ang upat ka prinsipyo nga makatabang nato aron ang uban ganahang makighigala nato.”