Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Hunyo

“Halos tanan nga among naestorya gustog kalinaw sa kalibotan. Apan may gubat gihapon. Sa imong hunahuna, nganong lisod makab-ot ang kalinaw sa kalibotan?” Patubaga. Dayon ipakita ang hapin sa likod sa Hunyo 1 nga Bantayanang Torre, ug hisgoti ang unang pangutana ug ang usa sa gisitar nga teksto. Itanyag ang magasin, ug ingnang mobalik ka aron hisgotan ang sunod nga pangutana.

Pahinumdom: Kini nga demonstrasyon ipasundayag sa tigom alang sa pagsangyaw sa Hunyo 1.

Ang Bantayanang Torre Hunyo 1

“Kami miduaw kadiyot aron hisgotan ang usa ka komon nga problema. Ang kadaghanang tawo nakasinatig pagpihig. Sa imong hunahuna, may dapit ba karon sa kalibotan nga walay pagpihig? [Patubaga.] Matikdi kon giunsa paglantaw sa Diyos ang mga tawo. [Basaha ang Buhat 10:34.] Gihisgotan niining magasina kon sa unsang paagi bug-os wagtangon sa Diyos ang pagpihig.”

Pagmata! Hunyo

“Gusto namong masayran ang imong opinyon. Di ba natural lang nga gusto tag arang-arang nga kinabuhi? Sa imong hunahuna, makab-ot ba nato kana pinaagi sa pagpalit ug daghang materyal nga butang? [Patubaga.] Matikdi kining maalamong tambag ni Jesus. [Basaha ang Lucas 12:15.] Kining magasina naghatag ug timbang nga panglantaw sa materyal nga butang ug nagtaganag mapuslanong mga sugyot aron malikayan ang pagpatuyang ug gasto.”