Sampol nga mga Presentasyon

Sa pagsugod ug pagtuon sa Bibliya sa unang Sabado sa Oktubre

“Nagduaw mig kadiyot karon sa among mga silingan. Daghan sa among gikaestorya nag-ingon nga ang usa sa labing makaguol nga mga situwasyon nga ilang nasinati mao ang pagkamatay sa usa ka minahal. Mibati ba sab ka niana? [Patubaga.] Duna koy ipaambit nga makapahupay nimo.” Ipakita ang likod sa Oktubre 1 nga Bantayanang Torre, ug hisgoti ang unang pangutana ug ang usa sa gisitar nga mga teksto. Itanyag ang mga magasin, ug makigsabot nga mobalik ka aron hisgotan ang sunod nga pangutana.

Ang Bantayanang Torre Oktubre 1

“Nagduaw mi kay gusto namong dasigon ang mga tawo sa pagbasa sa Bibliya. Nahibalo mi nga ang uban interesado sa Bibliya apan ang uban dili. Unsay imong hunahuna? [Patubaga.] Ang Bibliya mismo prangkang nag-ingon nga kini Pulong sa Diyos. [Basaha ang 1 Tesalonica 2:13.] Segurado ko nga mouyon ka nga kon ang Bibliya gikan sa Diyos, kini angayng basahon. Gihisgotan niining magasina kon bahin sa unsa ang Bibliya ug kon nganong angay tang mainteres niini.”

Pagmata! Oktubre

“Unsay imong hunahuna bahin niini nga pangutana: Posible ba ang pagkakontento bisag gamay rag kuwarta? [Patubaga.] Matikdi ang giingon sa Bibliya. [Basaha ang 1 Timoteo 6:8.] Kini nga magasin naghisgot bahin sa balanseng tinamdan sa materyal nga kabtangan ug sa tulo ka bililhong butang nga dili mapalit ug kuwarta.”