Sampol nga Presentasyon

Sa Pagsugod ug Pagtuon sa Bibliya sa Unang Sabado sa Oktubre

“Niining malisod nga panahon, kitang tanan nag-atubang ug mga problema nga nakapabug-at sa mga pamilya. Sa imong hunahuna, asa kita makakaplag ug kasaligang giya nga makatabang nga magmalipayon ang atong pamilya?” Patubaga. Dayon itunol kaniya ang Oktubre 1 nga Bantayanang Torre, ug hisgoti ninyo ang usa sa mga sub-ulohan sa panid 16 ug 17 ug bisag usa lang ka teksto. Itanyag ang mga magasin, ug ingna nga mobalik ka aron hisgotan ang ubang mga pangutana.

Ang Bantayanang Torre Oktubre1

Ipakita ang hapin sa magasin, ug mangutana, “Unsay imong bation kon mahibalo ka nga bakak ang gitudlo kanimo bahin sa Diyos? [Patubaga.] Matikdi ang giingon ni Jesus kon unsaon pag-ila sa tinuod gikan sa bakak. [Basaha ang Juan 17:17.] Busa ang Bibliya lamang ang nagtudlo kanato sa kamatuoran bahin sa Diyos. Kining magasina naghisgot sa lima ka komon nga kabakakan bahin sa Diyos nga giyagyag sa Bibliya.”

Pagmata! Oktubre

“Miduaw mi karon ingong serbisyo publiko sa mga pamilya. Para nimo, unsa ang kinadak-ang problema sa mga ginikanan karon sa pagmatuto sa ilang mga anak? [Patubaga.] Daghang ginikanan ang nagsalig sa tambag sa Bibliya. Pananglitan, ang maalamong mga pulong sa Efeso 4:31 makatabang sa pagdisiplina sa mga anak. [Basaha.] Kining magasina nagpakita kon sa unsang paagi ang tambag sa Bibliya makatabang sa mga ginikanan sa matag yugto sa pagdako sa bata, gikan sa pagkamasuso hangtod sa pagkatin-edyer.”