Sampol nga mga Presentasyon

Pagsugod ug Pagtuon sa Bibliya sa Unang Sabado sa Oktubre

“Miduaw mi kadiyot aron makighisgot bahin sa usa ka maayong gobyerno. Para nimo, duna kahay gobyerno nga makasulbad sa lisod kaayong mga problema, sama sa krimen ug kawalay hustisya?” Patubaga. Pahinumdomi ang tagbalay nga sa Pag-ampo sa Ginoo, gitudloan ni Jesus ang iyang mga sumusunod sa pag-ampo nga moabot kana nga gobyerno, nga mao ang Gingharian sa Diyos. Ipakita ang likod sa Oktubre 1 nga Bantayanang Torre ug hisgoti ninyo ang unang pangutana ug ang usa sa gisitar nga teksto. Itanyag ang magasin ug pakigsabot nga mobalik ka aron hisgotan ang mosunod nga pangutana.

Bantayanang Torre Oktubre 1

“Nakig-estorya mi kadiyot sa mga silingan bahin sa giingon sa ilado kaayong pag-ampo nga gitudlo ni Jesus sa iyang mga sumusunod. [Basaha ang Mateo 6:9, 10.] Naa bay nakasulti nimo kon unsa ang Gingharian sa Diyos ug kon nganong pirme ning hisgotan ni Jesus dihang magtudlo siya? [Patubaga.] Mabasa nimo niining magasina kon unsay giingon sa Bibliya bahin sa Gingharian sa Diyos ug ang nindot kaayong mga programa niini para sa yuta.”

Pagmata! Oktubre

“Miduaw mi kadiyot aron tabangan ang mga tawo sa pagtubag niining pangutanaha. [Ipakita ang hapin sa magasin.] Para nimo, kinahanglan bang dato ang tawo aron ikaingon nga malamposon siya? [Patubaga.] Gihisgotan sa Bibliya kon unsay hustong panglantaw bahin sa materyal nga mga butang. [Basaha ang Lucas 12:15.] Sumala sa Bibliya, ang tinuod nga kalamposan makab-ot sa tanan. Gihisgotan kana niining magasina.”