Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Hunyo

Basaha ang Isaias 42:8. Dayon isulti kini: “Sumala dinhi, ang Diyos dunay ngalan. Sa imong hunahuna, importante bang gamiton ang iyang ngalan? [Patubaga.] Matikdi ang giingon niini nga magasin.” Itunol sa tagbalay ang Hunyo 1 nga Bantayanang Torre, ug hisgoti ninyo ang unang sub-ulohan sa panid 16. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Hunyo 1

“Gusto nakong mahibaloan ang imong opinyon niining importanteng topiko. [Paklia sa panid 3, ug ipakita ang upat ka panglantaw bahin sa Bibliya.] Asa niini ang mohaom sa imong panglantaw bahin sa Bibliya? [Patubaga.] Matikdi kon unsay giingon sa Bibliya. [Basaha ang Roma 15:4.] Kining magasina naghisgot sa lima ka rason kon nganong talagsaon ang Bibliya ug kon sa unsang paagi kita makabenepisyo niini.”

Pagmata! Hunyo

“Matag tuig minilyon sa tibuok kalibotan ang masakit tungod sa kontaminadong pagkaon. Sa imong hunahuna, luwas ba ang mga pagkaon sa atong dapit? [Patubaga.] Kining magasina naghisgot sa upat ka paagi nga maproteksiyonan ang atong pamilya sa sakit tungod sa kontaminadong pagkaon. Gihisgotan usab niini ang saad sa Bibliya nga sa di madugay ang tanan duna nay makapahimsog nga pagkaon.” Basaha ang Salmo 104:14, 15.