Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Pebrero

“Ang mga tawo nga among gikaestorya may lainlaing opinyon bahin sa Bibliya. Ang pipila nagtuo nga kini Pulong sa Diyos, samtang ang uban nag-isip nga ordinaryong basahon lang kini. Ikaw, unsay imong hunahuna?” Patubaga siya. Ipakita ang likod sa Pebrero 1 nga Bantayanang Torre, ug hisgoti ang impormasyon ubos sa unang pangutana ug usa sa gisitar nga mga teksto. Itanyag kini, ug pakigsabot nga mobalik aron hisgotan ang sunod nga pangutana.

Ang Bantayanang Torre Pebrero 1

“Gusto sa kadaghanan nga mahunong na ang mga gubat. Nagtuo ka ba nga makab-ot ang gitinguhang kalinaw sa tibuok kalibotan? [Patubaga.] Tan-awa ang saad sa Bibliya. [Basaha ang Salmo 46:9.] Makapainteres nga ang mga hitabo sa Gubat sa Kalibotan I ug human niana nagpamatuod nga kini nga saad hapit nang tumanon sa Diyos ug hunongon na ang mga gubat hangtod sa hangtod. Kining magasina nagpatin-aw niini.”

Pagmata! Pebrero

“Nagduaw mi aron hisgotan ang komon nga problema. Mora man god ug kulang tag panahon para mahuman ang tanan natong buluhaton. Ngano kahang apiki tag panahon? Tungod ba sa kadaghan sa atong buluhaton o tungod kay daghan tag oras nga nausik? [Patubaga.] Daghan ang wala mahibalo nga ang Bibliya dunay tambag kon unsaon paggamit ang atong panahon. Niay usa ka pananglitan. [Basaha ang Filipos 1:10a.] Kini nga magasin naghisgot ug upat ka paagi nga nakatabang sa daghan para hustong magamit ang panahon.”