Kon Unsaon Pagtanyag sa mga Magasin

Ang Bantayanang Torre Pebrero 1

“Posible bang mahibaloan kon unsay dagway sa Diyos? [Patubaga.] Duna koy makapainteres nga impormasyon bahin niini.” Basaha ug hisgoti ang impormasyon sa pangutana 2 sa panid 16 ug ang usa sa gisitar nga mga teksto. Itanyag ang mga magasin, ug hikaya nga mobalik aron hisgotan ang pangutana 3.

Pagmata! Pebrero

“Para sa uban ang Bibliya dili tukma sa siyensiya kay kini karaan na kaayo. Unsay imong hunahuna? [Patubaga.] Daghan ang nahingangha nga ang Bibliya nakaingon niini. [Basaha ang Isaias 40:22.] Ang artikulo sa panid 22 nagtubag sa pangutanang, Magkauyon ba ang siyensiya ug Bibliya?”

Ang Bantayanang Torre Marso 1

“Ang mga Saksi ni Jehova ilado sa ilang pagsangyaw. Nahibulong ka ba kon nganong kami mosangyaw? [Patubaga.] Matikdi kini. [Basaha ang Mateo 24:14.] Kining magasina magtubag sa mga pangutanang: Unsa kining maayong balita? Unsa ang Gingharian? Ug unsa ang kataposan nga moabot?”

Pagmata! Marso

“Sanglit daghan ang may sakit, gusto namong ipaambit kining makapadasig nga teksto. [Basaha ang Isaias 33:24.] Unsa kahay kahimtang sa kinabuhi kon matuman na kini? [Patubaga.] Sa dili pa kini himoon sa Diyos, dunay mga sugyot nga puwede natong sundon aron makabaton kitag mas maayong panglawas. Gipatin-aw kini niining magasina.”