Kon Unsay Isulti Bahin sa mga Magasin

Ang Bantayanang Torre Mayo15

“Unsay imong tubag niining pangutanaha? [Basaha ang pangutana sa hapin. Dayon patubaga.] Ang Bibliya naghatag kanatog katarongan sa paglaom. [Basaha ang Mateo 6:9, 10.] Gipatin-aw niining magasina kon sa unsang paagi ipahinabo sa Gingharian sa Diyos nga matuman ang kabubut-on sa Diyos dinhi sa yuta.”

Pagmata! Mayo

“Sa imong hunahuna, gitino na bang daan sa Diyos ang atong mga lihok ug ang atong dulnganan? [Patubaga.] Sumala niining tekstoha sa Bibliya, gitugotan sa Diyos ang mga tawo sa pagpili kon unsay gusto nilang buhaton sa ilang mga kinabuhi. [Basaha ang Deuteronomio 30:19.] Gipakita niining artikuloha kon unsay giingon sa Bibliya bahin niining ulohana.” Ipakita ang artikulo nga nagsugod sa panid 12.

Ang Bantayanang Torre Hun.1

“Halos kada adlaw kita makabati ug mga balita bahin sa mga tawong naghimog daotang mga butang. [Pagkutlo ug bag-ong pananglitan nga nahibaloan sa inyong lugar.] Sa imong hunahuna, duna kahay dili-makita nga daotang tuboran nga nag-impluwensiya sa mga tawo? [Patubaga. Dayon basaha ang Pinadayag 12:12.] Gipatin-aw niining magasina kon sa unsang paagi atong mapanalipdan ang atong kaugalingon.”

Pagmata! Hun.

“Buot kong mahibaloan ang imong opinyon bahin sa giingon dinhi. [Basaha ang 1 Timoteo 6:10.] Sa imong hunahuna, kadtong nagkinabuhi aron lang makasapi ug makabaton ug daghang kabtangan nag-antos ba gayod tungod niana? [Patubaga.] Gipatin-aw niining magasina ang daotang mga epekto sa pagpangagpas ug bahandi.”