Kon Unsay Isulti Bahin sa mga Magasin

Ang Bantayanang Torre Mayo 1

Basaha ang Mateo 24:3. Dayon isulti kini: “Ang uban nagtuo nga kining pangutanaha nagtumong sa kataposan sa atong yuta. Sa imong hunahuna, malaglag o matapos ba gayod ang yuta? [Patubaga.] Ang tubag ni Jesus nagpakita nga duna kitay angayng kahinaman—dili ang pagkatapos sa yuta kondili ang pagkatapos sa laing butang. Ang artikulo sa panid 16 dugang magsaysay niini.”

Pagmata! Mayo

“Ang pipila ka ministro nagtudlo nga kon atong pahimut-an ang Diyos, siya magapanalangin kanatog daghang kuwarta. Apan, dunay buotang mga tawo nga kabos. Sa imong hunahuna, buot ba gayod sa Diyos nga kita madato? [Patubaga. Dayon basaha ang Hebreohanon 13:5.] Gisaysay niining artikuloha kon sa unsang paagi ang Diyos nagapanalangin kanato.” Ipakita ang artikulo sa panid 12.

Ang Bantayanang Torre Hunyo 1

“Daghang basahon karon ang naundag mga tambag bahin sa pagmatuto ug bata, gugma, ug personal nga katagbawan. Kini ba nakatabang kanimo? [Patubaga.] Daghan ang wala manumbaling sa tinubdan sa kasaligang tambag. [Basaha ang 2 Timoteo 3:16.] Kining magasina magsaysay kon nganong kita makasalig sa Bibliya ug kini naghisgot ug pipila ka praktikal nga tambag gikan sa Bibliya.”

Pagmata! Hunyo

“Sa imo nang nahibaloan, ang aborsiyon gidebatehan pag-ayo kon kini ba husto o sayop. Sa imong hunahuna, makatabang kaha ang Bibliya kanato sa pagtino kon unsay angayng buhaton? [Patubaga. Dayon basaha ang 2 Timoteo 3:16, 17.] Kining magasina magpakita kon unsay giingon sa Bibliya bahin sa aborsiyon.”