Kon Unsay Isulti Bahin sa mga Magasin

Ang Bantayanang Torre Mayo 1

“Tungod kay nagkadaghan ang mga katalagman karon, ang pipila nagtuo nga kita gisilotan sa Diyos. Unsay imong hunahuna bahin niini? [Patubaga. Dayon basaha ang 1 Juan 4:8.] Kining artikuloha magsaysay kon nganong dili Diyos ang hinungdan sa mga pag-antos nga atong naagoman tungod sa kinaiyanhong mga katalagman.” Ipasiugda ang artikulo sa panid 30.

Pagmata! Mayo

Basaha ang Mateo 6:10. Dayon pangutan-a: “Unsa may kabubut-on sa Diyos alang sa yuta? [Patubaga.] Sumala sa Bibliya, sukad pa sa sinugdan ang Diyos aduna nay katuyoan alang sa yuta ug kana wala gayod mausab. Kining artikuloha magsaysay niana.” Ipasiugda ang artikulo nga nagsugod sa panid 10.

Ang Bantayanang Torre Hun. 1

“Usa sa labing iladong estorya sa Bibliya ang bahin kang Noe ug sa Lunop. Sa imong hunahuna, nahitabo ba gayod kaha ang Lunop? [Patubaga.] Matikdi, si Jesus nagpunting niana ingong aktuwal nga panghitabo. [Basaha ang Lucas 17:26, 27.] Kining magasina magsaysay kanimo kon unsa gayod katinuod ang asoy bahin sa Lunop ug sa hinungdanong mga leksiyon nga atong makuha gikan sa maong asoy.”

Pagmata! Hun.

“Dili gayod lalim ang pagmatuto ug anak, ilabina sa dihang siya matin-edyer ug makasinati nag mga kausaban sa lawas. Sa imong hunahuna, asa kaha makakaplag ug kasaligang tambag ang mga ginikanan? [Patubaga. Dayon basaha ang Isaias 48:17, 18.] Kining magasina naghatag ug epektibong mga sugyot nga makatabang sa mga ginikanan aron makabaton silag kaalam ug pagsabot.”