Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Nobyembre

“Kadaghanan kanato gustog maayong gobyerno. Sa imong opinyon, unsang matang sa gobyerno ang makasulbad sa mga problema sa tawo? [Patubaga.] Matikdi ang giingon dinhi.” Itunol sa tagbalay ang Nobyembre 1 nga Bantayanang Torre, ug hisgoti ninyo ang unang sub-ulohan sa panid 16 ug basaha bisag usa lang sa mga teksto. Itanyag ang mga magasin, ug pakigsabot nga mobalik ka aron hisgotan ang sunod nga pangutana.

Ang Bantayanang Torre Nobyembre 1

“Gusto unta namong makuha ang imong opinyon. Kon mahimo nimong suknaon ang Diyos ug usa ka pangutana, unsa man kana? [Patubaga.] Matod ni Jesus, dili sayop ang pagpangitag tubag sa atong sinserong mga pangutana. [Basaha ang Mateo 7:7.] Kini nga magasin maghatag ug mga tubag sa Bibliya niining tulo ka hinungdanong pangutana.” Ipakita sa tagbalay ang mga pangutana sa ubos sa panid 3.

Pagmata! Nobyembre

“Nagbisita kami karon ingong serbisyo publiko sa mga pamilya. Komon na kaayo karon ang mga pamilya nga solo rag ginikanan. Sa imong hunahuna, mas daghan ba ang ilang hagit kay sa mga pamilyang kompletog ginikanan? [Patubaga.] Daghang ginikanan ang nakakaplag ug praktikal nga mga tambag sa Bibliya. [Basaha ang 2 Timoteo 3:16.] Kini nga magasin naghisgot ug pipila ka sugyot nga makatabang sa mga solo nga ginikanan nga magmalamposon sa ilang lisod nga responsibilidad.”