Sampol nga Presentasyon

Sa Pagsugod ug Pagtuon sa Bibliya sa Unang Sabado sa Nobyembre

“Sa imong hunahuna, mas malipayon ba ang mga tawo nga masinugtanon sa Diyos? [Patubaga.] Nindot kaayo ang gihisgotan niining artikuloha.” Hatagi ang tagbalay ug Nobyembre 1 nga Bantayanang Torre, ug basaha ug hisgoti ninyo ang usa sa mga sub-ulohan sa panid 16-17. Basaha ang usa lang sa mga teksto. Itanyag ang mga magasin, ug ingna nga mobalik ka aron hisgotan ang tubag sa sunod pangutana.

Ang Bantayanang Torre Nobyembre 1

“Nagtuo ang uban nga kinaraan ug estrikto ra kaayo ang panglantaw sa Bibliya bahin sa sekso. Apan ang uban mouyon sa Bibliya. Unsay imong hunahuna? [Patubaga.] Matikdi ang giingon dinhi kon kinsay tinubdan sa mga sukdanan sa Bibliya. [Basaha ang 2 Timoteo 3:16.] Gihisgotan ning magasina ang tubag sa Bibliya sa napulo ka komon nga pangutana bahin sa sekso. Gipatin-aw sab niini kon sa unsang paagi kita makabenepisyo sa mga sukdanan sa Bibliya.”

Pagmata! Nobyembre

“Kon atong obserbahan pag-ayo ang uniberso, unsa kahay atong ikahinapos—nga dunay Maglalalang o ang tanang butang sulagma rang mitungha? [Patubaga.] Kini ang gisulti sa usa ka magsusulat sa Bibliya sa dihang gisud-ong niya ang uniberso. [Basaha ang Roma 1:20.] Gipatin-aw ning magasina ang nadiskobrehan sa mga siyentipiko bahin sa selula sa tawo nga motabang nato sa pagtubag sa maong pangutana.”