Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Abril

“Nagdasig mi sa mga tawo sa pagbasa sa Bibliya. Pero para sa daghan, lisod kono sabton ang Bibliya. Ingon ana ba sab imong hunahuna? [Patubaga.] Matikdi kon unsay giingon dinhi.” Ipakita ang hapin sa likod sa Abril 1 nga Bantayanang Torre, ug hisgoti ang impormasyon ubos sa unang pangutana ug ang usa sa gisitar nga teksto. Itanyag ang magasin, ug pakigsabot nga mobalik ka aron hisgotan ang sunod nga pangutana.

Ang Bantayanang Torre Abril 1

“Ang tanan namong naestorya duna gyoy mga problema. Maong nakapangutana ang uban kon unsa gyoy kahulogan sa kinabuhi. Sa imong hunahuna, unsa ang usa sa kinadak-ang babag sa kalipay karon? [Patubaga.] Gisaad sa Bibliya nga sa di madugay hanawon sa Diyos ang tanan natong problema karon. [Basaha ang Pinadayag 21:4.] Kining magasina naghisgot kon unsay atong kaugmaon ug kon sa unsang paagi nato makaplagan karon ang tinuod nga kahulogan sa kinabuhi.”

Pagmata! Abril

“Kaylap karon ang kapintasan sulod sa pamilya. Matod sa uban, tungod kono ni sa kultura sa tawo, kagikan sa iyang pamilya, ug sa mapintas nga kalingawan. Unsa gyod kahay hinungdan niini? [Patubaga.] Gipakita sa Bibliya kon sa unsang paagi magmalamposon ang panagtiayon. [Basaha ang Efeso 5:33.] Gihisgotan niining magasina kon sa unsang paagi nasalbar ang pipila ka kaminyoon pinaagi sa pagpadapat sa mga prinsipyo sa Bibliya.”