Pangutana

◼ Kinahanglan bang magpandong sa ulo ang usa ka babayeng magmamantala kon may kauban siyang lalaking magmamantala sa pagtuon ug Bibliya sa may pultahan?

Kon ang usa ka babayeng magmamantala magdumalag regular nga pagtuon sa Bibliya ug kauban niya ang usa ka lalaking magmamantala, kinahanglan siyang magpandong sa ulo. (1 Cor. 11:3-10) Ang Hulyo 15, 2002 nga gula sa Bantayanang Torre, panid 27, nagpatin-aw: ‘Kini maoy gihikay-daan nga sesyon sa pagtudlo diin ang nagadumala sa pagtuon mao ang aktuwal nga modumala. Sa maong mga kahimtang, ang pagtuon nahimong ekstensiyon sa kongregasyon. Kon ang usa ka bawtismadong babaye maoy modumala sa maong pagtuon ug kauban ang bawtismadong lalaki, kinahanglan siyang magpandong.’ Mao kini ang himoon, dumalahon man ang pagtuon sa sulod sa balay, sa may pultahan, o sa uban pang kahimtang.

Sa laing bahin, kon ang usa ka pagtuon sa may pultahan wala pa masugdi, ang sister dili kinahanglang magpandong sa ulo kon kauban niya ang usa ka lalaking magmamantala, bisan tuod ang tuyo sa pagbalikduaw mao ang pagpasundayag ug pagtuon sa Bibliya o ang paghisgot ug mga topiko sa usa sa mga publikasyon nga gisugyot nga tun-an. Sanglit ang mga pagtuon sa may pultahan sagad dili man dayon masugdan, pinaagi sa progresibong pagbalikduaw, angayng konsiderahon sa magmamantala ang mga kahimtang ug magmakataronganon sa pagtino kon kanus-a magpandong sa ulo.