Pagpatin-aw sa Atong Tinuohan Bahin sa 1914

Ang Kasulatan nagdasig nato nga mahimong “andam kanunay sa pagdepensa” sa atong tinuohan, nga “magabuhat niini uban ang kalumo sa buot ug halawom nga pagtahod.” (1 Ped. 3:15) Pero dili sayon ang pagpatin-aw sa lawom nga mga kamatuoran sa Bibliya, pananglitan kon giunsa nato pagkahibalo nga ang Gingharian nagsugod pagmando sa 1914. Aron tabangan kita, may giandam nga duha ka bahing artikulo nga nag-ulohang “Pagpakigsulti sa Silingan—Kanus-a Nagsugod Pagmando ang Gingharian sa Diyos?” Makita kini sa tanyag nga Bantayanang Torre karong Oktubre ug Nobyembre. Samtang susihon nimo ang maong serye, tagda kon unsay gibuhat sa magmamantala, si Cameron.

Giunsa niya . . .

• paghatag ug komendasyon aron makahisgot ug topikong gikauyonan?—Buh. 17:22.

• pagpakitag pagpaubos dihang nagpatin-aw sa iyang tinuohan?—Buh. 14:15.

Nganong maayo nga siya . . .

• nagsumaryo sa nahisgotang punto una maghisgot ug lain?

• mihunong usahay ug nangutana sa tagbalay kon nasabtan ba ang iyang gipatin-aw?

• wala maghisgot ug daghan kaayong impormasyon sa usa ka pagbisita?—Juan 16:12.

Mapasalamaton gyod kita kang Jehova, ang atong “Dakong Instruktor,” sa pagtudlo nato kon unsaon pagpatin-aw ang lawom nga mga kamatuoran sa Bibliya niadtong gigutom sa espirituwal!—Isa. 30:20.