Usa ka Artikulo nga Makatabang sa Atong Ministeryo
1. Unsa ang duha ka tumong sa artikulo nga “Pagpakigsulti sa Silingan”?
1 Usahay, mogawas ang artikulong “Pagpakigsulti sa Silingan” diha sa publikong edisyon sa Ang Bantayanang Torre. Kini nga artikulo dunay duha ka tumong. Tudloan ta niini sa pagpresentar sa mga pagtulon-an sa Bibliya nga makadani sa mga tawo ug kon sa unsang paagi mataktikanhon tang mangatarongan sa pipila ka topiko. (1 Ped. 3:15) Sa unsang paagi ta makabenepisyo niini nga mga artikulo?
2. Unsaon nato paggamit kini nga mga artikulo diha sa atong ministeryo?
2 Gamita Kini sa Ministeryo: Puwede kang magtipig ug ekstrang mga kopya sa mga isyu sa Bantayanang Torre nga anaa kini nga artikulo. Kon ang usa ka tagbalay, interesado, o Bible study magpatunghag pangutana o pagtutol bahin sa usa ka topiko nga gitubag sa usa niini nga mga artikulo, hatagi siyag kopya niana nga artikulo ug ingna nga hisgotan ninyo kini. Kon wala kay kopya sa maong magasin nga naghisgot sa maong artikulo, imo kining ma-download sa jw.org/ceb.
3. Unsaon nato sa pagpakighisgot sa usa niini nga mga artikulo ngadto sa tagbalay?
3 Unsaon nimo sa pagpakighisgot sa usa niini nga mga artikulo ngadto sa tagbalay? Gipabasa sa ubang magmamantala ang mga pulong sa silingan nga anaa sa artikulo, unya basahon nila ang mga pulong sa Saksi. Epektibo kining paagiha kay pinaagi niini dili mamatikdan sa tagbalay nga iya na diayng gisusi ang atong tinuohan.—Deut. 32:2.
4. Unsaon nato paggamit ang maong mga artikulo sa pagbansay sa atong kaugalingon?
4 Bansaya ang Imong Kaugalingon ug ang Uban: Samtang basahon nimo kini nga mga artikulo, matikdi ang mga teksto, ilustrasyon, ug mga pangatarongan. Matikdi usab ang tonada sa pagkasulat niini. Dayon sulayi ang paggamit niini sa imong ministeryo. (Prov. 1:5; 9:9) Usa ka sister ang miingon, “Ang pagbasa niini nga mga artikulo samag pagkat-on gikan sa usa ka hawod nga partner nga payunir—usa nga kanunayng nahibalo kon unsay maayong itubag!”
5. Unsaon nato pagtabang sa atong mga Bible study sa pagpangandam sa ministeryo?
5 Magamit usab nimo kini sa pagtabang sa imong mga Bible study sa pagpangandam sa ministeryo. Praktison ninyo kini, nga ang estudyante mao kunohay ang magmamantala. Niining paagiha, mabansay ang mga Bible study sa pagpahayag sa ilang pagtuo sa mataktikanhong paagi. (Col. 4:6) Sa pagkatinuod, kini nga mga artikulo maoy usa sa mga tabang nga gihatag ni Jehova kanato aron ‘matuman sa bug-os’ ang atong ministeryo.—2 Tim. 4:5.