Ginagamit ba Nimo ang JW.ORG Contact Card?

Tungod kay duol na kaayo ang dakong kasakitan, ang atong buluhatong pagsangyaw dinalian. (Pr 24:11, 12, 20) Aron matabangan ang mga tawo, atong gamiton ang contact card sa pagpukaw sa ilang interes sa Pulong sa Diyos ug sa atong website. Ang card dunay code nga moabli ngadto sa video nga Nganong Tun-an ang Bibliya? ug sa imbitasyon alang sa paghangyog dugang impormasyon o pagtuon sa Bibliya. Ang uban dili interesadong modawat ug literatura apan interesadong motan-aw sa atong website. Ayaw pagpanuko sa paghatag kanilag contact card. Pero, ayaw paghatag ug contact card sa tawong dili interesado.

Samtang magbuhat sa imong adlaw-adlawng buluhaton, mahimong makuha nimo ang interes sa tawo pinaagi lang sa pag-ingon: “Duna koy gustong ihatag nimo. Kini nga card motultol nimo sa website nga may libreng impormasyon ug mga video bahin sa nagkalainlaing mga ulohan.” (Ju 4:7) Kay gagmay man ang card, pagdala niini aron imong ikahatag sa uban sa tanang kahigayonan.