Gamita ang JW.ORG Home Page Diha sa Imong Ministeryo

Ang home page sa atong website nag-feature ug mga artikulo ug video nga gidisenyo aron makuha ang interes sa publiko. (Buh 13:48) Sagad maghisgot nig mga topiko nga naa sa balita o maoy presenteng gihunahuna ug giestoryahan sa mga tawo.

Sa unsang paagi nimo magamit ang jw.org home page diha sa imong ministeryo?

• Regular nga bisitaha ang website. Matikdi kon unsay presenteng gi-feature sa website, ug hunahunaa kon sa unsang paagi nimo ni magamit sa pagtabang sa interesadong tawo. (Aron makita ang ubang artikulo nga dili pa dugayng gi-feature sa home page, i-click ang “Tan-awa ang Uban Pa.”) Kon updated ka sa website, makatabang ni nimo sa paghunahuna ug bag-ong mga paagi nga magamit nimo diha sa ministeryo.

• Gamita ang mga artikulo ug video nga gi-feature sa home page sa pagsugod ug panag-estoryahay. Kini makahatag natog mga ideya kon unsay naa sa hunahuna sa mga tawo diha sa teritoryo.

• Ipakita sa mga tawo ang home page. Ipasiugda ang espesipikong mga topiko, ug ipakita sa imong kaestorya kon unsaon pagpangitag impormasyon diha sa website.

• Pag-share ug link. Ang uban dili ganahang makig-estorya nato, pero interesado silang moabli sa atong website. Maong ayaw pagduhaduhag padala ngadto sa mga interesado ug link sa home page o sa artikulo o video nga gi-feature sa website.