Ania Ako! Ipadala Ako!

Ang pagkaandam ni Isaias sa pagdawat ug asaynment maayo nga sundogon. Siya nagpakitag pagtuo ug misunod dayon, bisag wala siya mahibalo sa tanang detalye. (Isa 6:8) Makapasibo ka ba sa imong kahimtang aron makaboluntaryo sa lugar nga mas dakog panginahanglan sa mga magsasangyaw? (Sal 110:3) Tinuod, kinahanglang imo unang “kuwentahon ang gasto” sa dili ka pa moboluntaryo. (Luc 14:27, 28) Pero, kinahanglang andam ka sa pagsakripisyo alang sa buluhatong pagsangyaw. (Mat 8:20; Mar 10:28-30) Sa gipakita sa video nga Pagboluntaryo sa Lugar nga Mas Dakog Panginahanglan, ang panalangin nga atong madawat sa pag-alagad kang Jehova mas labaw pa kay sa atong mga pagsakripisyo.

HUMAN MAPASALIDA ANG VIDEO, TUBAGA KINING MGA PANGUTANAHA:

• Unsang mga pagsakripisyo ang gihimo sa pamilyang Williams aron makaalagad sa Ecuador?

• Unsay ilang gitimbangtimbang dihang mipili sila kon asa magboluntaryo?

• Unsang mga panalangin ang ilang nadawat?

• Asa kita makakuhag dugang impormasyon bahin sa pagboluntaryo sa lugar nga mas dakog panginahanglan?

SA INYONG SUNOD NGA PAMILYAHANONG PAGSIMBA, HISGOTI KINING MGA PANGUTANAHA:

• Unsaon nato pagpalapad sa atong ministeryo ingong pamilya? (km 8/11 4-6)

• Kon dili kita makaboluntaryo sa lugar nga mas dakog panginahanglan, sa unsang mga paagi kita makatabang sa atong kongregasyon? (w16.03 23-25)