Iampo ang Gilutos nga mga Kristohanon

Ang Bibliya nagtagna nga kita lutoson ni Satanas aron mohunong kita sa pag-alagad. (Ju 15:20; Pin 12:17) Sa unsang paagi makatabang kita sa gilutos nga mga isigka-Kristohanon diha sa ubang nasod? Kita makaampo alang kanila. Ang pag-ampo sa tawong matarong dakog epekto.​—San 5:16.

Unsay atong iampo? Kita makaampo kang Jehova sa pagtabang sa atong mga igsoon nga magmaisogon ug dili mahadlok. (Isa 41:10-13) Kita makaampo usab nga unta ang kadagkoan sa gobyerno makabatog maayong panghunahuna bahin sa buluhatong pagsangyaw “aron kita magpadayon sa pagkinabuhi nga mahusay ug malinawon.”​—1Ti 2:1, 2.

Sa dihang gilutos si Pablo ug Pedro, ang mga Kristohanon sa unang siglo nag-ampo alang kanila, nga naghisgot mismo sa ilang ngalan. (Buh 12:5; Rom 15:30, 31) Bisag wala kita mahibalo sa mga ngalan sa atong mga igsoon nga gilutos karon, mahimo ba natong hisgotan diha sa pag-ampo ang ilang kongregasyon, nasod, o rehiyon?

Isulat ang gusto nimong iampo nga mga nasod diin gilutos ang mga Kristohanon.