BAHANDI GIKAN SA PULONG SA DIYOS | JEREMIAS 51-52
Ang Pulong ni Jehova Seguradong Matuman
Si Jehova tukma gayong nagtagna sa mga panghitabo sa umaabot
Magpapana nga guwardiya sa hari sa Persia
“Pasinawa ang mga pana”
Ang mga taga-Media ug taga-Persia maoy hanas nga magpapana ug naggamit sa busogan ingong pangunang hinagiban. Ilang gipasinaw pag-ayo ang mga pana aron makadulot ug maayo
“Ang mga tawong gamhanan sa Babilonya mihunong sa pagpakig-away”
Ang Nabonidus Chronicle nag-ingon: “Ang kasundalohan ni Ciro nakasulod sa Babilonya nga wala makiggubat.” Kini lagmit nagpasabot nga walay nahitabong dakong gubat ug uyon kini sa gitagna ni Jeremias
Ang Nabonidus Chronicle
‘Ang Babilonya mahimong tinapok nga mga bato [ug] maawaaw hangtod sa panahong walay tino’
Sugod sa 539 B.C.E., ang kabantog sa Babilonya nagsugod ug kawala. Gusto ni Alejandrong Bantogan nga himoon niyang kaulohang siyudad ang Babilonya, pero kalit siyang namatay. Sa sinugdanan sa Kristohanong panahon, usa ka grupo sa mga Hudiyo ang nagpuyo didto, kini naghatag kang apostol Pedro ug rason sa pagbisita sa Babilonya. Pero niadtong ikaupat nga siglo C.E., ang siyudad nagun-ob, ug sa ulahi wala na kini puy-i