Pagpauswag sa Atong Kahanas sa Ministeryo​—Paghimog Maayong mga Sulat

KON NGANONG IMPORTANTE: Ang basahon sa 1 Corinto maoy usa sa 14 ka sulat ni apostol Pablo aron dasigon ang mga isigka-Kristohanon. Pinaagig sulat, ang magsusulat makapilig maayo kon unsang mga pulong ang gamiton, ug ang sulat puwedeng balikbalikon ug basa sa makadawat niini. Ang mga sulat maayo sab nga paagi aron sangyawan ang mga paryente ug mga kaila. Epektibo sab ni nga paagi aron sangyawan kadtong dili nimo personal nga maestorya. Pananglitan, naa tingaliy interesado pero pirmeng wala sa balay. Ang uban sab sa teritoryo lisod maestorya kay nagpuyo sa mga bilding nga estrikto kaayog seguridad, sa mga komunidad o subdibisyon nga guwardiyado, o sa hilit nga mga lugar. Unsay mga hinumdoman ilabina dihang magpadalag sulat sa mga dili nato kaila?

KON UNSAON PAGHIMO:

• 

  Paghimog sulat nga samag nakig-estorya ka sa personal. Ipailaila ang imong kaugalingon sa sinugdan sa sulat, ug tin-awng isulti kon nganong misulat ka. Puwede kang magsuknag pangutana nga makapainteres sa imong gisulatan, ug ipaila kaniya ang atong website. Sultihi siya bahin sa Online Bible Study Lessons, o hisgoti ang bahin sa pagtuon sa Bibliya sa balay, ug isulat ang ulohan sa pipila ka kapitulo sa usa sa mga basahon nga pang-Bible study. Puwede kang magbutang ug contact card, imbitasyon, o tract sa sobre

• Ayawg taasa ang sulat aron dili kapoyog basa ang modawat niini.—Tan-awa ang sampol nga sulat

• Seguroa nga kini walay sayop, hinlo, sayon basahon, mahigalaon paminawon, matinahoron, ug positibo