Padayong Palandonga Kining mga Butanga

Unsang mga butanga? Ang Filipos 4:8 nag-ingon nga palandongon ang mga butang nga tinuod, importante, matarong, putli, hiligugmaon, dungganon, maayo, ug dalayegon. Siyempre, wala kana magpasabot nga pulos na lang mga topiko sa Bibliya ang angayng hunahunaon sa mga Kristohanon. Pero ang mga butang nga palandongon sa atong kasingkasing kinahanglang makapalipay kang Jehova, dili kanang makapaluya sa atong determinasyon nga magmatinumanon kaniya.—Sal 19:14.

Dili sayon ang paglikay sa dili maayong mga hunahuna. Gawas sa atong pagkadili-hingpit, kinahanglan sab natong suklan si Satanas, “ang diyos niini nga sistema sa mga butang.” (2Co 4:4) Kay kontrolado man niya ang media, kadaghanan diha sa Internet, TV, radyo, ug sa giimprentang mga basahon maoy dili maayo. Kon dili ta mamili kon unsay isulod nato sa atong hunahuna, mahugawan ang atong panghunahuna, ug sa ulahi maapektohan ang atong panggawi.—San 1:14, 15.

TAN-AWA ANG VIDEO NGA LIKAYI KON UNSAY MAKADAOT SA PAGKAMAUNONGON—DILI MAAYONG KALINGAWAN, DAYON TUBAGA ANG MOSUNOD NGA MGA PANGUTANA:

• 

  Unsay ginatan-aw sa brader diha sa iyang cell phone, ug unsay epekto niini kaniya?

• 

  Sa unsang paagi nakatabang niya ang Galacia 6:7, 8 ug Salmo 119:37?