Ginapanalipdan ni Jehova ang Iyang Katawhan

Importante kaayo nga panghitabo ang unang Paskuwa. Niadtong gabhiona, human mahibaloi sa Paraon nga namatay ang iyang panganayng anak, iyang giingnan si Moises: “Panglakaw na mo. Pahawa gikan sa akong katawhan, kamo ug ang ubang Israelinhon. Lakaw ug alagara si Jehova, sumala sa inyong gisulti.” (Ex 12:31) Gipakita ni Jehova nga ginapanalipdan niya ang iyang katawhan.

Dihang atong tan-awon ang modernong kasaysayan sa katawhan ni Jehova, atong makita ang tin-awng ebidensiya nga si Jehova padayong naggiya ug nanalipod kanila. Gipasiugda kini diha sa museum sa tibuok kalibotang hedkuwarter nga may ulohang “A People for Jehovah’s Name.”

TAN-AWA ANG VIDEO NGA TOUR SA MUSEUM SA WARWICK: “A PEOPLE FOR JEHOVAH’S NAME,” UG TUBAGA ANG MOSUNOD NGA MGA PANGUTANA:

• 

  Unsang nindot nga tool ang gigamit sa mga Estudyante sa Bibliya niadtong 1914 aron mapalig-on ang ilang pagtuo sa Bibliya, ug unsa ang maayong resulta?

• 

  Unsang mga pagsulay ang nahitabo niadtong 1916 ug 1918, ug unsay nagpamatuod nga gigiyahan gyod ni Jehova ang organisasyon?

• 

  Sa video, sa unsang paagi ang katawhan ni Jehova nagpabiling matinumanon bisan sa mga pagsupak?

• 

  Unsang bag-ong pagsabot ang nadawat sa katawhan ni Jehova niadtong 1935, ug unsay epekto niini kanila?

• Kon naka-tour na ka niini nga museum o sa atong lokal nga Sangang Buhatan, unsay imong nakita nga nakapalig-on sa imong pagtuo nga si Jehova naggiya ug nanalipod sa iyang katawhan?